ИМЗОИ СОЗИШНОМАИ ТАРМИМУ ТАҶДИДИ ТАҶҲИЗОТИ НЕРӮГОҲИ БАРҚИИ НОРАК

           Душанбе,  26  декабр. (АМИТ «Ховар»,  Наргис  Бояхмедова). – Ҳукумати  Ҷумҳурии  Тоҷикистон  ва Бонки  рушди  Осиё  имрӯз   дар  бораи  иваз  кардани  асбобу  анҷом  ва  таҷҳизоти   фарсудашудаи   таъминоти   қувваи  барқи  Тоҷикистон   созишнома  имзо  карданд. Бонки  рушди  Осиё  барои  иҷрои  созишнома  ба  Тоҷикистон  ба  маблағи  54,77   миллион  доллари  ИМА  кӯмак  мерасонад. Ин  маблағ  барои   тармиму  таҷдиди  таҷҳизоти   тақсимкунандаи  барқи  500 киловолтаи  Нерӯгоҳи  барқи  обии  Норак сарф  карда  мешавад. Ҳамчунин  бинои   тақсимкунандаи  қувваи  барқи  нерӯгоҳ   ба  ҷойи  бехавф  кӯчонда  хоҳад  шуд. Саҳми  Ҳукумати  Ҷумҳурии  Тоҷикистон ва   Ширкати «Барқи  тоҷик» дар  иҷрои  созишнома 12,1   миллион  доллари  ИМА – ро  ташкил  медиҳад.  Созишнома  дар  давоми  5  сол   иҷро  карда  мешавад. Онро   вазири  молияи  Ҷумҳурии  Тоҷикистон Сафаралӣ  Наҷмиддинов,   раиси  ширкати «Барқи  тоҷик» Шарифхон  Самиев  ва  намояндаи  доимии  Бонки рушди  Осиё  дар  Тоҷикистон  Макото Оҷиро  имзо  карданд.