КИШТИ ТИРАМОҲӢ ДАР 15 РӮЗИ МОҲИ ДЕКАБР ҲАМ ИДОМА ЁФТ

                  Душанбе, 18 декабр. (АМИТ «Ховар», Лаззат Диловарзод).- Бино ба маълумоти Маркази матбуот ва иттилооти Вазорати кишоварзӣ, дар 15 рӯзи моҳи декабри соли ҷорӣ кишти тирамоҳии зироатҳои ғалладона, картошка ва сабзавот идома ёфт.                 Тибқи дурнамои Раёсати растанипарварии Вазорати кишоварзӣ, кишти тирамоҳии заминҳои ғалладона, картошка ва сабзавот 247 ҳазору 653 гектарро ташкил медиҳад.                  То 15-уми декабри соли ҷорӣ дар масоҳати 207 ҳазору 99 гектар кишт гузаронида шудааст, ки 83, 6 фоизи дурнамои Раёсати ратанипарвариро дар бар мегирад. Ин нишондод нисбат ба ҳамин давраи соли гузашта 119 ҳазору 972 гектар зиёд аст. Аз масоҳати замини киштшуда 197 ҳазору 48 гектараш кишти гандуми тирамоҳӣ мебошад.