КОРПОРАТСИЯИ БАЙНАЛХАЛҚИИ МОЛИЯВӢ БА ЧОРВОДОРОН КӮМАК МЕРАСОНАД

               Душанбе, 16  декабр. (АМИТ «Ховар»,  Фарангис  Раҳимова). – Мутахассисони  Корпоратсияи  байналхалқии  молиявӣ  барои  гурӯҳи  калони  роҳбарони  хоҷагиҳои  деҳқонию  фермерии  ноҳияи  Файзобод  семинар  гузаронд. Дар  семинар  20  нафар   роҳбарон  ва  мутахассисони  хоҷагиҳои  фермерӣ  ширкат  варзиданд. Ҳадафи  он  вусъат  додани доираи  дониш ва  беҳтар  сохтани  малакаи   касбии  коргарони   хоҷагиҳо,  хусусан  чорводорон,  роҳу  усулҳои  тартиб  додани  нақшаи  хӯрокдиҳии  чорво  бо  мақсади  зиёд  кардани  шири   говҳо  буд. Яке  аз  иштирокчиёни  семинар  Анзурат  Сафиева  ба  мухбири  АМИТ «Ховар»  гуфт, ки   пеш аз ин  ба  чорво бетартибона  хӯрок  дода  мешуд. Мо  ба  туфайли  семинар  тарзи  дурусти  додани  хӯрокаро  ба  чорво  омӯхтем. Дар  натиҷа  барои  зиёд  кардани  маҳсулоти  чорво  имконияти хуб  пайдо  намудем,  гуфт  А.Сафиева.