МАҶЛИСИ ПАЛАТАҲОИ ПАРЛУМОНҲОИ РУСИЯ ВА ҶТ ДАР ДУШАНБЕ БАРГУЗОР МЕГАРДАД
Душанбе, 17 декабр. (АМИТ «Ховар», Наргис Бояхмедова). – Дар Маскав мулоқоти роҳбарони палатаи тиҷоратию саноатии Русия бо ҳайати Маҷлиси намояндагони Маҷлиси Олии Ҷумҳурии Тоҷикистон таҳти роҳбарии раиси комиссияи байнипалатавии парлумонҳои ҳар ду мамлакат дар масъалаи ҳамкории Думаи давлатӣ ва Маҷлиси намояндагони мамлакати мо аз ҷониби Тоҷикистон Мирзошариф Исломиддинов баргузор гардид. М.Исломиддинов зикр кард, ки бӯҳрони ҷаҳонии молиявию иқтисодӣ ба муносибатҳои ҳар ду мамлакат таъсири манфӣ расонд, дар натиҷа иҷрои баъзе барномаҳои муштарак хеле суст гардид. Вақтҳои охир, хусусан иҷрои созишномаи ҳукуматҳои ҳар ду мамлакат дар масъалаи коргарони муҳоҷир сабаби ташвишу изтироб мегардад. Коргарони муҳоҷир аз корхонаҳои Русия ба миқдори хеле зиёд аз кор озод карда мешаванд. Ин ба иқтисодиёти Тоҷикистон таъсири калони манфӣ мерасонад. Қайд карда шуд, ки аз рӯи натиҷаҳои соли 2007 — ум 20 фоизи хаҷми умумии хариду фурӯши мол дар байни Тоҷикистону мамлакатҳои дигар ба Русия рост меояд. М.Исломиддинов пешниҳод кард, ки дар Палатаи тиҷоратию саноатии Русия барои омӯзиши масъалаҳои бо кор таъмин кардани коргарони муҳоҷир комиссияи алоҳида ташкил карда шавад. Ғайр аз ин дар Думаи давлатии Русия маҷлиси комиссияи ҳамкории байнипалатавии Русия ва Тоҷикистон баргузор гардид. Дар он натиҷаҳои фаъолияти комиссия дар соли гузашта, ҳамкорӣ дар соҳаи муҳоҷирати коргарон, ҳифзи ҳуқуқи шаҳрвандони Русия ва Тоҷикистон дар ҳар дуи ин мамлакатҳо, нақшаҳои рушди ҳамкорӣ дар соҳаи низомӣ ва ҳамкории палатаҳои поёнии парлумони Тоҷикистон ва Думаи давлатӣ муҳокима шуданд. Тибқи қарори қабулшуда маҷлиси ояндаи комиссияи ҳамкории палатаҳои парлумонҳои Русия ва Тоҷикистон моҳи майи соли оянда дар Душанбе баргузор мегардад.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
