МАРҶУМАК БАРОИ ИСТЕҲСОЛИ АСАЛ ШАҲДДИҲАНДАИ БЕҲТАРИН АСТ

                  Душанбе, 19 декабр. (АМИТ «Ховар», Лаззат Диловарзод).- Марҷумак аз ҷиҳати ғизонокӣ дар байни зироатҳои ғалладонагӣ дар ҷойи аввал меистад. Он барои истеҳсоли асал шаҳддиҳандаи аз ҳама беҳтарин аст.Аз як гектар киштзори марҷумак 80-100 кг асал гирифтан мумкин аст, ки чунин шаҳднокиро ҳеҷ намуди гул ва зироат надорад.                 Марҷумак ба риоя намудани мӯҳлати кишт эҳтиёҷи калон дорад. Давраи нашъунамои ин зироат хеле кӯтоҳ аст. Мӯҳлати мӯътадили кишти такрории марҷумак моҳи июн ва июл мебошад. Он то моҳи октябр пурра мерасад.                 — Марҷумак ба хунукӣ тобовар нест. Аз ин рӯ, онро тарзе кишт кардан лозим аст, ки то даҳҳаи авали моҳи октябр пурра ҷамъоварӣ гардад,- иброз дошт президенти Академияи кишоварзӣ Ҳукматулло Аҳмадов ба мухбири АМИТ «Ховар».