МУҲОҶИРОН БА ҶУМҲУРИ ЧАНД МИЛЛИАРД ДОЛЛАР ВОРИД МЕКУНАНД?

                   Душанбе, 18 декабр. (АМИТ «Ховар», Бекназари Абӯбакр). — Имрӯз, 18-уми декабр Рӯзи ҷаҳонии муҳоҷирон аст. Аз рӯи маълумоти Созмони Милали Муттаҳид, ҳоло шумораи муҳоҷирон дар саросари ҷаҳон тақрибан ба 200 миллион нафар мерасад.                   Бино ба маълумоти расмӣ, имрӯз тақрибан 600 ҳазор нафар аз Тоҷикистон дар хориҷи кишвар дар муҳоҷирати меҳнатиянд, ки аз ин шумора тақрибан 93 фоизашон дар Федератсияи Россия мебошанд.                   Тибқи иттилои Бонки миллии Тоҷикистон, маблағи вориднамудаи муҳоҷирони кории Тоҷикистон дар соли 2007 зиёда аз 1 миллиарду 100 ҳазор доллари ИМА ва дар давоми нӯҳ моҳи соли ҷорӣ зиёда аз 2 миллиардро ташкил дод.                  Ба гуфтаи коршиносон, имсол муҳоҷирон то охири сол ба ҷумҳурӣ боз 0,5 миллиард доллари ИМА ворид мекунанд.