МУҲОКИМАИ ЛОИҲАИ ҚАРОР ДАР БОРАИ МУАССИСАҲОИ БАЙТОРИИ МАМЛАКАТҲ

               Душанбе, 13 декабр. (АМИТ «Ховар», Наргис Бояхмедова). — 15 декабр дар шаҳри Минск маҷлиси дуввуми гурӯҳи коршиносони мамлакатҳои ИДМ баргузор мегардад. Дар он лоиҳаи қарор дар бораи муассисаҳои байтории давлатҳои ИДМ мувофиқа карда хоҳад шуд. Қарори мазкур имконияти таъсиси ташкили сохторҳои давлатиро дар мамлакатҳои ИДМ барои ҳамоҳанг сохтани фаъолияти муассисаҳои байторӣ ва расондани кӯмаки молиявии ҳукуматҳо ба ин муассисаҳоро пешбинӣ менамояд.               Дар маҷлис инчунин пешниҳод дар бораи ташкили Шӯрои ҳамоҳангсози Иттифоқи байналхалқии «Ҷамъиятҳои собиқадорон ва нафақахӯрони давлатҳои мустақил» мавриди баррасӣ қарор дода мешавад. Ҳадафи ташкили Шӯрои мазкур ҳифзи ҳамаҷонибаи ҳуқуқҳои иҷтимоӣ ва манфиатҳои иқтисодии ветеранҳо, собиқадорони кор ва нафақахӯрон, инчунин тақвияти фаъолияти марбут ба тарбияи ватандӯстию интернатсионалии ҷавонон ва фош кардани кӯшишҳои таҳрифкунандагони таърихи рушди давлатҳои ИДМ мебошад.