НАМОЯНДАГОНИ ТАШКИЛОТИ ПУДРАТӢ ОИД БА КАМБУДИҲО ЭРОД ПЕШНИҲОД КАРДАНД

                Душанбе, 5 декабр. (АМИТ «Ховар», Мавзуна Бойева).- Маркази ноҳияи Шуғнони ВМКБ нақшаи генералии алоҳида надошта, дар самти шарқии шаҳри Хоруғ ҷойгир шудааст.               Тавре ба мухбири АМИТ «Ховар» дар Агентии сохтмон ва меъмории назди Ҳукумати Ҷумҳурии Тоҷикистон иттилоъ доданд, барои дар масофаи наздик ҷойгир намудани маҳаллаҳои аҳолинишин бояд аз ҷониби мақомоти маҳаллии ҳокимяти давлатӣ ягон пешниҳоди мушаххас вуҷуд дошта бошад.              Инчунин, зикр гардид, ки дар баъзе иншоот барои муайян кардани сифати корҳои сохтмонӣ санҷиш гузаронида шудааст.              Сохтмони дармонгоҳ дар деҳаи Навободи ноҳияи Шуғнон аз ҷониби фармоишгар -РСА-и ВМКБ ва пудратчӣ — ҶСК «Помирсохтмон» анҷом дода шудааст.               Иншооти мазкур барои қабул ба комиссияи қабули давлатӣ омода карда шудааст. Дар васли системаи гармидиҳӣ ва фарши даромадгоҳ баъзе камбудиҳо ҷой доштанд, ки нисбати онҳо намояндагони ташкилоти пудратӣ эрод пешниҳод карданд.