НОМИ ШОИРИ МАЪРУФ БА ЯКЕ АЗ МАКТАБҲОИ ЁВОН ГУЗОШТА ШУД

               Душанбе, 13 декабр. (АМИТ «Ховар», Лутфия Эшонқулова). — Имрӯз дар ноҳияи Ёвон бахшида ба гузоштани номи шоири маъруф Қутбӣ Киром ба мактаби миёнаи рақами 31 — уми ноҳия ҷамъомади ботантана баргузор гардид. Дар он намояндагони мақомоти иҷроияи ҳокимияти давлатӣ, шоирону нависандагон ва аҳли ҷамъият ширкат варзиданд. Аз Иттифоқи нависандагон ба АМИТ «Ховар» хабар доданд, ки дар ҷамъомади мазкур мушовири давлатии Дастгоҳи иҷроияи Президенти ҷумҳурӣ Мансури Сурӯш ва шоирону нависандагон Абдулҳамид Самадов, Холмурод Шарифов, Мӯъмин Қаноат ва Шаҳрия иштирок доштанд.               Мухбири АМИТ «Ховар» хабар медиҳад, ки мактаби рақами 31 — ум яке аз мактабҳои калонтарину машҳуртарини ноҳияи Ёвон ба шумор меравад. Бинои мактаб аввали соли равон ба куллӣ тармим карда шуд.