ОЁ ТОҶИКОН ДАР РУСИЯ ҶИНОЯТ СОДИР МЕКУНАНД?
Душанбе, 17 декабр. (АМИТ «Ховар», Наргис Бояхмедова). – Намояндаи муваққатии ваколатдори Федератсияи Русия дар Тоҷикистон Вячеслав Светличний дар номаи ҷавобии худ ба ёддошти эътирозии Вазорати корҳои хориҷии Тоҷикистон менависад, ки «Коргарони муҳоҷир бисёр вақт дар бораи ҳуқуқу вазифаҳои шаҳрвандӣ ва ҳуқуқии худ ягон тасаввурот надоранд, онҳо забони русиро намедонанд, ё хеле кам омӯхтаанд. Ин сабаби аз ҷониби онҳо риоя накардани қонуну қоидаҳои дар қаламрави Федератсияи Русия муқарраршуда мегардад. Илова бар ин ҳаминро ба назар гирифтан лозим аст, ки қисми зиёди ҷиноятҳоро ба муқобили шаҳрвандони Тоҷикистон худи ҳамдиёрони онҳо ё шаҳрвандони давлатҳои дигар содир мекунанд. Ба қавли намояндаи муваққатии ваколатдори Русия дар Тоҷикистон, миқдори содир кардани ҷиноят аз тарафи шаҳрвандони Тоҷикистон дар қаламрави Русия дар давоми панҷ соли охир ду баробар афзудааст. Вай зикр мекунад, ки шаҳрвандони Тоҷикистон соли 2003 — юм 4100 ва соли 2007 — ум 8541 ҷиноят содир кардаанд. Аз ҷумлаи ин ҷиноятҳо 73 ҷиноят ба куштор, 74 ҷиноят ба расондани зарари ҷисмонӣ ва 50 ҷиноят ба таҷовуз ба номус мансуб мебошанд. Қайд карда мешавад, ки 871 шаҳрванди Тоҷикистон барои содир намудани ҷиноятҳои марбут ба хариду фурӯши ғайриқонунии маводи нашъадор ба ҷавобгарӣ кашида шудааст. Шаҳрвандони тоҷик аз ҷиҳати содир гардидани ҷиноят дар байни коргарони муҳоҷири хориҷӣ дар қаламрави Федератсияи Русия ҷои дуюмро ишғол мекунанд, менависад В.Светличний. Мухбири АМИТ «Ховар» ёдовар мешавад, ки 6 декабр дар вилояти Маскав шаҳрванди Тоҷикистон Салоҳиддин Азизов ба қатл расонда шуд. ВКХ Тоҷикистон вобаста ба ин амали ҷинояткорона ба намояндаи муваққатии ваколатдори Федератсияи Русия дар Тоҷикистон В.Светличний ёддошти эътирозӣ супорид.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
