РУШДИ ФАЪОЛИЯТИ МАРКАЗИ ДИПЛОМАТИЯИ ПЕШГИРИКУНАНДАИ СММ ДАР ОСИЁИ МАРКАЗӢ
Душанбе, 15 декабр.(АМИТ «Ховар», Фарангис Раҳимова). – Намояндаи махсуси Муншии умумии СММ дар Осиёи Марказӣ Мирослав Йенча дар ҳузури аъзои Шӯрои амнияти СММ дар бораи фаъолияти Маркази минтақавии созмон оид ба дипломатияи пешгирикунанда дар Осиёи Марказӣ маърӯза кард. Аъзои Шӯрои амният фаъолияти маркази мазкурро дар минтақа маъқул донистанд. Маркази СММ моҳи декабри соли 2007 дар Ашқобод кушода шуда буд. Чунин марказҳо минбаъд дар ҳамаи 5 мамлакати Осиёи Марказӣ кушода мешаванд. Ин марказҳо ба ҳукуматҳои мамлакатҳои Осиёи Марказӣ барои афзун гардонидани имкониятҳои бо роҳҳои осоишта бартараф сохтани баҳсу мунозираҳо ва пешгирии муноқишаҳо ва ихтилофот бо роҳи гуфтушунид ва истифода аз дастгирии байналхалқӣ кӯмак мерасонанд. Марказҳо барои ин бо созмонҳои минтақавӣ ҳамаҷониба ҳамкорӣ хоҳанд кард. Муншии умумии СММ қабл аз ин пешниҳод карда буд, ки нақши фаъолияти пешгирикунандаи муноқишаҳо ва миёнаравии СММ дар мамлакатҳо тақвият дода шавад. Минбаъд Созмони милал аз амалияи бартараф сохтани муноқишаҳои мусаллаҳона ба ташаккули фарҳанги пешгирии онҳо ва амалӣ сохтани тадбирҳое шурӯъ хоҳад кард, ки ҳадафи онҳо аз байн бурдани сабаби зуҳуроти шиддати вазъият ва муноқишаҳои мусаллаҳона мебошад. Баъди анҷоми машварат раиси Шӯрои амният, намояндаи доимии Хорватия дар СММ Ранко Вилович ба хабарнигорон гуфт, ки марказ бо давлатҳо ва созмонҳои минтақавӣ барои иҷрои вазифаҳои ба зимма гирифтааш самарабахш ҳамкорӣ мекунад. Дар ин бора аз дафтари матбуоти намояндагии СММ ба АМИТ «Ховар» хабар доданд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
