С.ХАЙРУЛЛОЕВ: «БОЯД УРФУ ОДАТИ МИЛЛӢ БА ИНОБАТ ГИРИФТА ШАВАД»
Душанбе, 23 декабр. (АМИТ «Ховар», Марзия Саидова).- Лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи бақайдгирии давлатии асноди ҳолати шаҳрвандӣ» 23-юми декабр аз ҷониби вакилони палатаи поёнии парлумони мамлакат қабул нашуд. Зимни баррасии ин масъала муовини вазири адлияи ҷумҳурӣ Азизмат Имомов гуфт, ки мақсади асосии ворид намудани тағйиру иловаҳо ба қонуни зикргардида такмили қонунгузории Ҷумҳурии Тоҷикистон вобаста ба сабти асноди ҳолатҳои шаҳрвандӣ, танзми муносибатҳои нави ҷамъиятӣ, мутобиқ намудани қонунгузории Тоҷикистон ба санадҳои байналмилалӣ аст. Тибқи ворид намудани тағйиру иловаҳо ба ин қонун, зану шавҳаре, ки никоҳи расмӣ доранду бо сабабҳои биологӣ аз онҳо кӯдак таваллуд намешавад, метавонанд бо истифода аз усулҳои сунъии бордоркунӣ, ё имплантатсияи ҷанин, соҳиби кӯдак шаванд. Ба андешаи А. Имомов, барои бо ин роҳ таваллуд ёфтани кӯдак зану шавҳар розигии хаттӣ медиҳанд ва дар ҳолати бо ин усул таваллуд шудани кӯдак шахсони розигидода дар дафтари сабти таваллуд ҳамчун волидайни кӯдак сабт меёбанд. Вакили мардумӣ Муҳиддин Кабирӣ зимни баррасии ин масъала гуфт: «Дар як кишваре, ки 98 % аҳолияш мусулмон аст, ин масъаларо дар сатҳи қонун бардоштан чӣ зарурат дорад?». Ба андешаи Кабирӣ, марди бефарзанд метавонад фарзанди бародар ё хешашро ба фарзандӣ қабул намояд ва ӯро тарбия кунад. Ман фикр мекунам,- афзуд М. Кабирӣ,- чунин сурат гирифтани масъала на танҳо ба фарҳанги динӣ, балки ба фарҳанг ва арзишҳои миллии мо — тоҷикон мухолиф аст. Ба андешаи раиси Маҷлиси намояндагон Сайдулло Хайруллоев низ ҳангоми қабули чунин масъалаҳо бояд урфу одати миллӣ ва фарҳанги мардум ба инобат гирифта шавад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
