С. ХАЙРУЛЛОЕВ: «СОЛИ 2008 СОЛИ БУНЁДКОРИВУ СОЗАНДАГӢ БУД»
Душанбе, 30 декабр. (АМИТ «Ховар», Марзия Саидова).- Соли 2008 бо рӯйдодҳои муҳими сиёсию иқтисодӣ ва таърихию фарҳангии худ дар ҳаёти мардуми тоҷик ҳамчун соли фаромӯшнашаванда нақши амиқ гузошта, соли вусъат ёфтани раванди созандагию бунёдкорӣ гардид,- гуфт зимни суханронияш Раиси Маҷлиси намояндагони Маҷлиси Олии Ҷумҳурии Тоҷикистон Сайдулло Хайруллоев дар Иҷлосияи 5-уми палатаи поёнии парлумони мамлакат, даъвати сеюм. Ба андешаи С. Хайруллоев, ботантана ҷашн гирифтани 1150-солагии сипаҳсолори адабиёти тоҷику форс Абӯабдуллоҳи Рӯдакӣ яке аз рӯйдодҳои муҳими фарҳангии тоҷикон дар соли 2008 ба шумор меравад. Баргузории чорабиниҳои муҳими сиёсию иқтисодии аҳамияти байналмилалидошта дар Душанбе ба баланд гардидани нуфузу эътибори Тоҷикистон дар арсаи ҷаҳон мусоидат мекунанд. Ҳамзамон, дар соли 2008 робитаҳои мутақобилан судманди гуногунсоҳаи Ҷумҳурии Тоҷикистон бо кишварҳои мухталифи ҷаҳон густариш ёфт, ки он аз сиёсати «дарҳои кушода»-и ҷумҳурӣ шаҳодат медиҳад. Дар соли 2008 Ҷумҳурии Тоҷикистон ба дастовардҳои калони иқтисодию тиҷоратӣ низ ноил гардид. Ҷараёни тоза гирифтани корҳои сохтмонӣ дар иншооти муҳими аср — роҳу нақбҳо, нерӯгоҳҳои барқи обӣ далели ин гуфтаҳост. Маҷлиси намояндагони Маҷлиси Олии Ҷумҳурии Тоҷикистон, даъвати сеюм низ ҷиҳати ноил шудан ба дастовардҳои гуногунсоҳаи ҷомеаи кишварамон бо қабул намудани як силсила қонун ва санадҳои меъёрию ҳуқуқӣ саҳми босазо гузошт. Дар давоми соли 2008 палатаи поёнии парлумони мамлакат 183 қонуни конститутсионӣ, кодексҳо, қонуну қарорҳо ва дигар санадҳои меъёрию ҳуқуқиро қабул намуд, ки дар эъмори ҷомеаи шаҳрвандӣ ва волоияти қонун дар кишварамон нақши муассир мегузоранд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
