САФАРИ КОРИИ САРВАЗИРИ ҶУМҲУРӢ О. ОҚИЛОВА БА ВИЛОЯТИ СУҒД

          Душанбе, 10   декабр. (АМИТ «Ховар»,  Наргис  Бояхмедова). –  Сарвазири  ҷумҳурӣ  Оқил  Оқилов  барои  боздиди  корӣ  ба  вилояти  Суғд  рафт. Вай  зимни  сафар  бо ҷараёни  сохтмони   корхонаҳои  саноатӣ  ва  муассисаҳои   варзишию  фарҳангӣ  шинос  гардид. О.Оқилов,   аз  ҷумла,  бо рафти  сохтмони  корхонаи  бофандагии «Нику – Хуҷанд» шинос  шуд. Тибқи  нақша,  дар  корхонаи  мазкур  баъди  ба  истифода  дода шуданаш  650 нафар  кор   хоҳад  кард. Барои  сохтмони он  43  миллион  доллари  ИМА  ҷудо  карда  шудааст. Сохтмони  корхона  тобистони  соли  оянда  ба  охир  мерасад. О.Оқилов  баъдан  маҳалли  сохтмони  Литсейи  Президентиро  дар  шаҳри Чкаловск  ва майдони  варзишии  шаҳри  Хуҷандро  аз  назар  гузаронд. Ӯ   дар  ноҳияи  Масчоҳ  бо  ҷараёни  сохтмони  корхонаи  калобаресӣ  шинос  гардид, ки   маблағи  сохтмони онро Бонки  Евразия  мепардозад. Сарвазир  дар  фарҷоми  сафар бо  ҷараёни  сохтмони  корхонаи  маъдантозакунии  муштараки  Тоҷикистону  Чин  дар Олтинтопкан  шинос  гардид.