СИЁСАТИ ПУЛИЮ ҚАРЗИИ ТОҶИКИСТОН БАРОИ СОЛИ 2009 БАРРАСӢ ШУД

Душанбе, 15 декабр. (АМИТ «Ховар», Марзия Саидова).-15-уми  декабр дар шаҳри Душанбе таҳти раёсати раиси палатаи поёнии парлумони мамлакат Сайдулло Хайруллоев ҷаласаи Шӯрои Маҷлиси намояндагон баргузор гардид. Дар он лоиҳаи Қонунҳои Ҷумҳурии Тоҷикистон «Дар бораи карантини растанӣ», Оид ба ворид намудани  тағйиру иловаҳо ба Қонуни Ҷумҳурии Тоҷикистон «Дар бораи бақайдгирии давлатии асноди ҳолати  шаҳрвандӣ», «Дар бораи Сарҳади давлатии Ҷумҳурии Тоҷикистон», «Дар бораи хусусигардонии моликияти давлатӣ», «Дар бораи дурнамои  давлатӣ, консепсияҳо ва барномаҳои  инкишофи иҷтимоию иқтисодии Ҷумҳурии Тоҷикистон», «Оид ба ворид намудани тағйирот  ба Қонуни Ҷумҳурии Тоҷикистон «Дар бораи  авфи шаҳрвандон ва шахсони ҳуқуқии Ҷумҳурии Тоҷикистон бинобар қонунигардонии молу мулк», Дар бораи иҷозатномадиҳӣ ба баъзе намудҳои фаъолият», «Дар бораи ворид намудани тағйирот ба Кодекси ҷиноии Ҷумҳурии Тоҷикистон» ва лоиҳаи дурнамои самтҳои асосии сиёсати пулию қарзии Ҷумҳурии Тоҷикистон барои соли 2009 баррасӣ гардиданд. Роҷеъ ба масъалҳои зиркгардида раисони кумитаҳои Маҷлиси намояндагон Акрамшо Фелалиев  ва Маҳбуба Нуриддинова сухан карда,  онҳоро шарҳ доданд.