СОХМОНИ МАРҲИЛАИ СЕЮМИ РОҲ ТАШВИШОВАР АСТ?

                          Душанбе, 11 декабр. (АМИТ «Ховар», Мавзуна Бойева).- Аз 18 то 23-юми августи соли ҷорӣ дар шаҳри Душанбе оид ба маблағгузории марҳилаи сеюми Лоиҳаи «Сохтмони роҳи автомобилгарди Шоғун-Зиғар» байни намондагони Ҳукумати Ҷумҳурии Тоҷикистон ва Миссияи Бонки Исломии Рушд гуфтушунид сурат гирифт. Дар натиҷаи гуфтушунидҳо миёни Вазорати нақлиёт ва коммуникатсияи Ҷумҳурии Тоҷикистон ва намояндагони Миссияи Бонки Исломии Рушд Ёддошти тафоҳум оид ба сохтмони марҳилаи сеюми роҳ омода гардида, то ҳол дар сатҳи имзо шудан қарор дорад, ки ин албатта ташвишовар аст.Мувофиқи натиҷаи гуфтушунид ва Ёддошти тафоҳум, бояд раванди тайёр кардани Созишномаи қарзии марҳилаи сеюм то аввалҳои моҳи декабри соли ҷорӣ ба охир расонида шавад.Бояд зикр намуд, ки Созишномаи қарзӣ бояд 12-уми декабри соли 2008 ба имзо мерасид, аммо бо пешниҳоди Бонки Исломии Рушд санаи имзои он ба охири моҳи январи соли 2009 гузошта шуд.