СОКИНИ ШАҲРИ ВАҲДАТ СОҲИБИ ГРАН-ПРӢ ШУД!

         Душанбе, 30 декабр. (АМИТ «Ховар», Пайрав Назаров).- Дар шаҳри Душанбе  озмуни  овозхонони ҷавони ҷумҳурӣ таҳти унвони «Ориён,  Сомониён, Тоҷикистон — 2008» ба анҷом расид. Дар ин озмун истиқоматкунандаи шаҳри Ваҳдат Чамангул Фатҳуллоева барандаи ҷоизаи  Гран-Прӣ шуд. Гран-Приро ба ғолиб раиси Кумитаи  кор бо ҷавонон, варзиш ва  сайёҳии  назди Ҳукумати ҶТ Маликшо Неъматов супорид.        Аз Кумитаи  кор бо ҷавонон, варзиш ва  сайёҳии  назди Ҳукумати ҷумҳурӣ хабар доданд, ки ғолибон аз рӯи суруди беҳтарини дар мавзӯҳои ватанпарастӣ, мавӯҳои озод, бахшҳои иштирокчии ҷавонтарини озмун, таваҷҷӯҳи тамошобинон ва суруди инъикоскунандаи ҳаёти ҷавонон муайян шуданд.       Дар озмун инҳо ғолиб дониста шуданд: Қурбон Иброҳимов (ш.Душанбе), Муқаддас Элчибеков (ВМКБ), Абдухолиқ Қурбонов (ш.Кӯлоб), Сарфарози Асламбекзода-ҷавонтарин иштирочии озмун (н. Ҷиргатол), Акмали Абдуалим-таваҷҷӯҳи тамошобинон (н.Варзоб), Сайёди Субҳон (н.Ҳисор)- беҳтарин суруди ватанпарастӣ, Парвиз Раҷабов ва Маҳмадалӣ Пирхонов (ш.Қӯрғонтеппа)-суруди иникоскунандаи ҳайёти ҷавонон.       Ғолибон ва ҷоизадорони озмун бо дипломӯ  ва тӯҳфаҳои хотиравӣ сарфароз гардонида шуданд.