СОЗИШНОМА МУВОФИҚА КАРДА ШУД

              Душанбе, 11   декабр. (АМИТ «Ховар», Наргис  Бояхмедова). — Гурӯҳҳои  коршиносони мамлакатҳои  ИДМ  10  декабр  дар  шаҳри  Минск  лоиҳаи  созишномаро   дар  бораи  мубодилаи  маълумот  ва  дастраси  ҳамдигар  гардонидани он   дар  соҳаи мубориза ба  муқобили  ҷинояткорӣ  мувофиқа намуданд. Ба  ақидаи  мутахассисон,  бо   қабули  ин  ҳуҷҷат  самараи  фаъолияти  мақомоти  корҳои  дохилии  мамлакатҳои  ИДМ   дар  масъалаи  ҷустуҷӯ ва  фош  намудани  ҷинояткорон  чандин  баробар  меафзояд. Дар  созишнома  гуфта  мешавад, ки  мақомоти  салоҳиятдори  давлатҳои  ИДМ  бо мақсади  пешгирӣ,  фош  кардан  ва тафтиши  ҷиноятҳо  бо  дархости  мақомоти  салоҳиятдор  ба таври ройгон  маълумоти  зарурӣ  медиҳанд. Илова  бар  ин  маълумоти  илмию  техникӣ,  иттилоотию  таҳлилӣ ва  ҳуҷҷатҳои  меъёрии марбут  ба  мубориза ба  муқобили  ҷинояткорӣ  дастраси  мақомоти  дахлдори  мамлакатҳои  Иттиҳод  гардонда  хоҳад  шуд.