Т. ШУКУРЗОДА: «ТАЪКИДИ ПРЕЗИДЕНТИ КИШВАР АМАЛӢ ХОҲАД ШУД!»

              Душанбе, 24 декабр. (АМИТ«Ховар», Лаззат Диловарзод).-Донишгоҳи давлатии Қӯрғонтеппа ба номи Носири Хусрав таърихи начандон тӯлонӣ дорад. Дар ин донишгоҳ дар муқоиса бо чанд соли пеш сафи олимон ва устодон дучанд зиёд гардид. Ҳоло дар донишгоҳ 18 нафар доктору профессор ва 67 нафар номзади илму дотсент ба таълиму тарбияи донишҷӯён фаро гирифта шудаанд. Донишгоҳ дорои шӯъбаи аспирантура буда, ба он ҳар сол 12 нафар унвонҷӯ қабул карда мешавад. Дар муддати 3 соли охир дар донишгоҳ 30 нафар омӯзгор рисолаҳои номзадию докторӣ ҳимоя кардаанд. — «Ҳадафи муҳими низоми маориф тарбияи шахсияти фаъол ва созанда аст»,- таъкид кардааст Президенти кишвар Эмомалӣ Раҳмон, ки ин ҳадаф аз ҷониби устодони Донишгоҳи давлатии ба номи Носири Хусрав амалӣ хоҳад шуд,- иброз дошт доктори илми педагогӣ ва иҷтимоии Федератсияи Россия, ректори Донишгоҳи давлатии Қӯрғонтеппа Тағойбобо Шукурзода.