ТАФТИШИ ФАЪОЛИЯТИ МУАССИСАҲОИ ТИББИИ ВИЛОЯТИ СУҒД

         Душанбе,  17  декабр.(АМИТ «Ховар», Ибодат  Давлатова). –  Комиссияи  кории  вазорати тандурустии  ҷумҳурӣ фаъолияти    бештар аз 200  муассисаи  тиббии  вилояти  Суғдро  дар  бобати  иҷрои  дастурҳои   сардори  давлат тафтиш  карда,  бо  фаъолияти   17  шифохонаи  ноҳиявӣ,  85  маркази  саломатӣ, беморхонаҳои  клиникӣ ва  105  муоинагоҳи  тиббӣ  шинос шуд. Натиҷаҳои тафтиш  дар  маҷлиси  ҳайати  мушовараи   раёсати тандурустии  вилоят  муҳокима  карда шуданд. Дар  маҷлис  теъдоди  зиёди  камбудиҳо   мавриди баррасӣ қарор  гирифтанд.  Нисбати  роҳбарону  мутахассисоне, ки ба  ин   камбудиҳо  роҳ  додаанд,  ҷазои  маъмурӣ  андешида шуд.