ТАНҲО ДУ ХОҶАГӢ АЗ ӮХДАИ ИҶРОИ НАҚША БАРОМАДАНД

             Душанбе, 26 декабр. (АМИТ «Ховар», Лаззат Диловарзод).- Бино ба гуфтаи сардори хоҷагии хурди деҳқонии ба номи Карим Исмоилови ноҳияи Ваҳдат Маҳмадназар Шарифов, дар соли ҷорӣ аз 22 гектар замини ба иҷора гирифтааш дар 10 гектари он чигити пахтаи навъи «Кармен» кишт кардааст.                Нақшаи чиниши пахта дар моҳи октябр пурраю барзиёд иҷро гардид. Дар соли 2008 дар ноҳия танҳо 2 хоҷагӣ; хоҷагии деҳқонии «Тиллои сафед» ва хоҷагии  хурди деҳқонии Карим Исмоилов аз ӯҳдаи иҷрои нақша баромада тавонистанду халос. Бояд зикр намуд, хи хоҷагии хурди Карим Исмоилов аз ҳар гектар 40-сентнерӣ ҳосил ба даст овардааст.