ТАРКИШ ДАР ИРОҚ

           Бағдод,  12  декабр. (АМИТ «Ховар» — Синхуа). –  Тибқи  хабарҳои  аз  Ироқ  расида,  дирӯз  дар  яке  аз  музофотҳои   шаҳри  Киркук  як  нафар  террористи  фидоӣ  амалиёти террористӣ  анҷом  дод.  Вай  дар  яке аз  маҳалҳои  серодами  шаҳр  миқдори  зиёди  моддаи  таркандаро  тарконд. Дар  натиҷа  47  нафар  ҳалок ва  93  нафар  маҷрӯҳ  шуд. Шаҳри  Киркук  тақрибан   дар  масофаи  250  километраи  самти  шимолии  Бағдод  воқеъ  буда,  дар  маҳалҳои  атрофи  он  захираи  нафт  фаровон  аст.  Курдҳои  Ироқ   даъво  доранд, ки  минтақаи  мазкур  бояд   ба  мухторияти  курдҳо  тааллуқ  дошта  бошад,  вале  арабҳо ва  туркманҳои  маҳаллӣ  ин  даъворо  рад  менамоянд.  Бинобар ин  дар  байни онҳо  муттасил ихтилофот  рух  медиҳад.