ВАЗИФАҲОИ АСОСИИ СОЛИ 2009 МУАЙЯН ГАРДИДААНД

          Душанбе,  12  декабр. (АМИТ «Ховар»,  Покиза  Маҳмадбекова). –  Имрӯз  вазорати  рушди  иқтисод  ва  савдои  ҷумҳурӣ  дар  мавзӯи  «Натиҷаҳои  соли  гузашта  ва  вазифаҳои  соли оянда»  машварат  баргузор  гардид. Машваратро   вазорати  рушди  иқтисод ва  савдои  ҷумҳурӣ  ҳамроҳи  Муассисаи  рушди  СММ гузаронид. Дар  он  ба вобастагии  мутақобалаи  хусусиятҳоит  маҳаллии  рушд  бо ҳуҷҷатҳои  стратегии  дорои  аҳамияти  миллӣ,  аз  чумла,  барномаи  стратегии  кам  кардани  сатҳи  камбизоатӣ  ва  барномаи  миллии   рушди  мамлакат   дар  давраи  то  соли  2015  диққати  махсус  дода шуд. Ҳадафи  барнома  бештар  сохтани  самара  ва  тақвияти  ҳамкорӣ  бо  созмонҳои  ҳукуматӣ   барои   ислоҳоти  ҷараёни  таҳия  ва  амалӣ  сохтани барномаҳои рушд ва  таҳияи буҷет дар  сатҳи   вилоятҳо  ва  ноҳияҳо  мебошад.  Дар  машварат   намояндагони  Маркази  тадқиқоти  стратегии  назди  Президенти  ҷумҳурӣ,  Пажӯҳишгоҳи такмили  ихтисоси  хизматчиёни  давлатӣ,  кумитаи  давлатии  омор,   вазорати  молия,  созмонҳои  байналхалқӣ  ва  мақомоти  иҷроияи  ҳокимияти  давлатии  вилоятҳои  Суғду  Хатлон  ширкат  варзиданд.