ВАЗИРОНИ ТОҶИКИСТОНУ ҚИРҒИЗИСТОН СОЛИ 2009 МУЛОҚОТ МЕКУНАНД
Душанбе, 17 декабр. (АМИТ «Ховар», Наргис Бояхмедова). — Имрӯз вазири корҳои хориҷии Ҷумҳурии Қирғизистон Эднон Қаробоев бо сафири Ҷумҳурии Тоҷикистон дар ин мамлакат Асомуддин Саидов мулоқот кард. Зимни мулоқот масъалаҳои вазъи имрӯзаи муносибатҳои ҳар ду кишвар, натиҷаҳои соли 2008 ва нақшаи тадбирҳо барои соли оянда баррасӣ шуданд. Зикр карда шуд, ки ҳаҷми хариду фурӯши мол дар байни Тоҷикистону Қирғизистон сол то сол меафзояд. Ин натиҷаи ҳамкории самарабахши корхонаю ширкатҳои ҳар ду мамлакат мебошад. Вақтҳои охир ҳамкории ҳар ду кишвар дар масъалаҳои сарҳад густариш меёбад, дар байни шаҳрҳои Норак ва Қарокӯл муносибатҳои бародаршаҳрӣ ба роҳ монда шуд. Мусоҳибон паймон карданд, ки барои гузаронидани маҷлиси якуми Шӯрои ба қарибӣ таъсисёфтаи байнидавлатии ҳамоҳангсози Тоҷикистону Қирғизистон ва Шӯрои вазирони корҳои хориҷии ҳар ду мамлакат тадбирҳои самарабахш андешанд. Тарҷумон — Қудратов А.
9 феврал дар якчанд идораю корхона нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
