ВИЧ СПИД-РО ТАНҲО ЯКҶОЯ БАРҲАМ ДОДАН МУМКИН АСТ!

           Ноҳияи  Бобоҷон  Ғафуров, 1  декабр (АМИТ «Ховар», Санавбар  Мақсудова). — Дар  Маркази  ҷамоати  «Исмоил»  дар  доираи  барномаи «Сафарбар  намудани ҷамоатҳо ба мубориза  ба  муқобили ВИЧ/СПИД»  дар  мавзӯи «Бемориҳои  ВИЧСПИД – ро танҳо  якҷоя  барҳам  додан  мумкин аст»  маъракаи  доманадор  баргузор  гардид. Ташкилкунандаи он   созмони  ҷамъиятии «Чашмаи  ҳаёт»  мебошад. Дар  маърака  қариб  700 сокини  ҷамоат  ширкат  варзид.            Ба  ҷамъомадагон  дар  бораи  коргарони  муҳоҷир  ва  хавфи  ба  бемориҳои  гузаранда  гирифтор  шудани онҳо  филм намоиш  дода шуд. Ҳунарпешагони  шӯъбаи фарҳанги  ноҳия хотири  ҳозиронро  шод  гардонданд. Ба  онҳо  дар  бораи  бемориҳои  ВИЧСПИД  ба  забонҳои тоҷикию  русӣ ва  ӯзбекӣ  маълумотномаю  варақаҳо  тақсим  карда шуд. Мудири  шӯъбаи   шифохонаи  марказии  ноҳия  Каримҷон  Ҷӯраев  ба  мухбири  АМИТ «Ховар»  гуфт, ки   айни  ҳол   ноҳияи  Бобоҷон  Ғафуров  320  ҳазор  нуфус  дорад ва дар ин ҷо  23  бемории  ВИЧ  ба  қайд  гирифта  шудааст.