114 КОМИССИЯИ ТАНЗИМИ АНЪАНА ВА ҶАШНУ МАРОСИМҲО

         Душанбе, 14 январ. (АМИТ «Ховар», Лаззат Диловарзод).- Дар ноҳияи Фирдавсии шаҳри Душанбе бо мақсади амалӣ шудни Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» 114 комиссияи ҷамъиятӣ ташкил дода шудааст. Мардуми ноҳия қабули қонуни мазкурро хуб пазиро шуданд ва онро хеле ба маврид донистанд. Дар соли 2008 дар ҳудуди ноҳия бештар аз 300 тӯйи домодиию арӯсӣ, 40 хатнатӯй, 60 оши чил ва 31 оши сол ба қайд гиррифта шудааст. Дар натиҷаи таблиғу ташвиқи қонун ва вохӯрию сӯҳбатҳо дар шаҳраку маҳаллаҳо, донишгоҳҳо ва мактабҳои таҳсилоти умумӣ дар давоми соли 2008 ягон қонуншиканӣ ба қайд гирифта нашудааст.