ҲАРИФОНИ «РЕГАР» ТАДАЗ ДАР ҶОМИ РАИСИ КФО МУАЙАН ШУДАНД

                  Душанбе, 30 январ. (АМИТ «Ховар», Пайрав Назаров).- Дар шаҳри Куала -Лумпур, пойтахти Малайзиё, қуръакашии сабқати гурӯҳии Ҷоми раиси AFC — Конфедеросиюни футболи Осиё — доир гардид.                 11 дастаи ширкаткунандаи мусобиқот ба 3 гурӯҳ тақсим шуданд. Се дастаи ғолиби гурӯҳҳо ва беҳтарин дастаи ҷойҳои дуввум ба даври ниманиҳоӣ роҳ меёбанд.                 Барандаи Ҷоми раиси КФО-2008 дастаи «Регар» ТадАЗи шаҳри Турсунзода дар асоси қуръакашӣ ба гурӯҳи «А» шомил шуд. Дар ин гурӯҳ «Регар» ТадАЗ бо дастаҳои «Непал Полис Клаб» (Непал), «Тайван Пауэр Компани» (Тайван) ва ВАПДА (Покистон) қувваозмои хоҳад кард.                  Макони баргузории сабқати гурӯҳӣ ва ниҳоӣ баъдтар муайян хоҳад шуд. Бозиҳо моҳҳои май (сабқати муқаддамотӣ) ва сентябр (даври ниманиҳоӣ ва ниҳоӣ)-и соли 2009 баргузор мешаванд.