ҶАМЪБАСТИ ПЕШАКИИ НАТИҶАҲОИ ОЛИМПИАДАИ ТАЛАБАГОН

            Душанбе, 10 январ. (АМИТ «Ховар», Людмила Дубинина).- Дар Раёсати маорифи шаҳри Душанбе натиҷаҳои пешакии олимпиадаи талабагони мактабҳои миёна ҷамъбаст карда шуд, ки  7-8 январ баргузор гардида буд. Мудири шӯъбаи раёсати маориф, котиби кумитаи тадорукоти олимпиада, Ҳанифа Сатторова ба АМИТ  «Ховар»  хабар  дод, ки олимпиада аз рӯи 18 фан гузаронида шуд. Дар он  талабагони мактабҳои рақамҳои  15, 77, 78, 88, 82, 21, гимназия- интернати тоҷикию русӣ, гимназияҳои  «Тиҷорат»,  «Душанбе»,  гимназияи иқтисодии шаҳрӣ  ва литсеи президентӣ натиҷаҳои беҳтарин ба даст оварданд. Аъзои  ҳайати доварон ҷавобҳои иштирокчиёни олимпиадаро ҳамаҷониба санҷида, ғолибонро муайян хоҳанд кард.