А. ҒОИБНАЗАРОВ: «ҲИМОЯИ ҲУҚУҚУ МАНФИАТҲОИ ДАВЛАТ МУҚАДДАС

                   Душанбе, 22 январ.(АМИТ «Ховар», Марзия Саидова).-«Дар давраи ҳисоботӣ дар Суди Олии иқтисодии Ҷумҳурии Тоҷикистон 402 парванда баррасӣ карда шуд», гуфт зимни нишасти матбуотӣ ба хабарнигорон Раиси Суди Олии иқтисодии ҷумҳурӣ Амирхоҷа Ғоибназаров 22 январ. Аз ҷумла, 140 парванда дар марҳалаи аввал, 96 парванда дар марҳалаи шикоятӣ, 141 парванда дар марҳалаи касатсионӣ, 23 парванда дар Раёсат ва 2 парванда дар Пленуми Суди Олӣ мавриди баррасӣ қарор дода шудаанд. Инчунин, дар ин давра 190 адад арзу шикоятҳо муҳокима гардиданд.                  Дар натиҷаи баррасии парвандаҳои дар Суди Олии иқтисодии ҷумҳурӣ дар соли 2008 муҳокимашуда, ба фоидаи даъвогарон 5 миллиону 931 ҳазору 65 сомонӣ, 108 ҳазору 879 евро ва 22 ҳазору 923 доллари амрикоӣ рӯёнида шуда, аз ин ҳисоб ҳамчун боҷи давлатӣ ба ба буҷа 533 ҳазору 46 сомонӣ гузаронида шуд.                 Инчунин, Суди Олии иқтисодии Ҷумҳурии Тоҷикистон як қатор парвандаҳоро вобаста ба баргардонидани қарзи андоз баррасӣ намуда, ба мабалағи 3 миллиону 389 ҳазору 209 сомонӣ талаботи даъворо қонеъ намудааст.