АФЗОИШИ КӮМАКҲОИ ОЛМОН БА АФҒОНИСТОН

             Афғонистон, 19 январ. (АМИТ «Ховар», Илҳом Нарзиев).-Телевизиони миллии Афғониcтон (RTA) бо такя ба як афсари болорутбаи полиси Олмон аз афзоиши кӯмакҳои ин кишвар тайи соли равон барои омӯзиши нерӯҳои полиси афғон хабар дод. Ба гуфтаи вай Олмон барои омӯзиш ва таҷҳизи полиси вулусволиҳо дар шимоли ин кишвар нӯҳ миллион евро ихтисос додааст. Дар ҳамин ҳол, дидбонгоҳи полиси сарҳадӣ дар Шимол бо кӯмаки Олмон эҷод гардид.             Генерал Халил Бахтиёр фармондеҳи минтақаи рақами панҷи сарҳадии шимол ба хабарнигорон гуфт, ки ин қитъа барои маҳв намудани ҳар навъ ҳодиса омода буда, бо меъёрҳои байналмилалӣ омӯзиш дидааст. Ҳамчунин, сарбозони қитъаи мазкур омода ҳастанд бо дигар нeрӯҳои амниятӣ ҳамкорӣ намоянд.            Олмон аз ҷумлаи кишварҳои уасосии кӯмакдиҳанда ба Афғонистон ба шумор меравад. Ҳудуди чор ҳазору панҷсад ҳазор сарбози ин кишвар дар ҳайати нерӯҳои амниятии ISAF дар шимоли Афғонистон ҷойгир мебошанд. Ҳамчунон мақомоти Олмон борҳо бар таҷҳиз, тақвият ва омӯзиши полиси миллии афғон таъқид намудаанд.