АГЕНТӢ ЗАРАРИ МОЛИЯВИРО ОШКОР НАМУД

          Душанбе, 19 январ. (АМИТ «Ховар», Лаззат Диловарзод).- Бино ба гуфти корманди шӯбаи пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Точикистон Файзалӣ Қосимов, фаъолияти агентии мазкур, тибқи талаботи меъёрҳои қонун амалӣ гардида, дар давоми соли 2008 беш аз 960 тафтишу санҷишҳои молиявиро дар вазорату идораҳо, мақомоти маҳаллии ҳокимияти давлатӣ, ташкилоти буҷетӣ ва дигар субъектҳои хоҷагидории давлатӣ гузаронид. Дар натиҷаи ин санҷишу тафтишот маблағи беш аз 90 млн. сомонӣ зарари молиявиро ошкор сохт. Аз маблағи зарари ошкоргардида  12 млн. сомонӣ хароҷоти ғайриқонунӣ, 25 млн. сомонӣ маблағи рӯйпӯш намудаи андозҳо ва 32 млн. сомонӣ талафи воситаҳои пулию молиро ташкил дод. Дар асоси нақша-чорабиниҳои махсус баҳри пешгирӣ ва мубориза  бо коррупсия, соли 2009  Агентӣ фаъолияти худро боз ҳам беҳтар  ба роҳ монданист.