«АМОНАТБОНК» ПАХТАКОРОНРО ДАСТГИРӢ МЕКУНАД

                 Душанбе, 26 январ.(АМИТ «Ховар», Лаззат Диловарзод).- Бино ба суханони раиси «Амонатбонк» Мамадамин Мамадаминов, соли 2008 аз ҷониби Вазорати молияи Ҷумҳурии Тоҷикистон тавассути «Амонатбонк» барои рушди соҳаи кишоварзӣ беш аз 40 млн.сомонӣ ҷудо гардид.                 «Амонатбонк» тавассути шӯъбаҳои худ дар шаҳру ноҳияҳои ҷумҳурӣ ба 584 хоҷагиҳои пахтакори вилоятҳои Хатлону Суғд маблағи аз Вазорати молия ҷудошударо тақсим намуд.                «Амонатбонк» аз ҳисоби захираҳои худ дар соли 2008 ҳамагӣ 9,4 млн. сомонӣ барои рушди соҳаи пахтакорӣ ба хоҷагиҳои деҳқонӣ(фермерӣ) қарзҳои кӯтоҳмуддатро пешниҳод намуд, ки ин дар муқоиса бо банкҳои дигар хеле кам аст.                 Тибки маълумоти ҳамин манбаъ, дар сурати сари вақт баргардонидани қарзҳои гирфташда, соли 2009 «Амонатбонк» ба хоҷагиҳои деҳқонӣ (фермерӣ)-и ноҳияҳои пахтакор ҳамкории бештари судмандро ба роҳ мемонад.