БА ТАВАҶҶӮҲИ МУҲОҶИРОНИ МЕҲНАТИИ ҚАЛАМРАВИ ҶТ

Душанбе, 4 января. (АМИТ «Ховар», Мавҷуда Давлатзода).- Хадамоти муҳоҷирати Вазорати корҳои дохилии Ҷумҳурии Тоҷикистон ба маълумоти ҳамаи шахсони ҳуқуқӣ ва воқеӣ мерасонад, ки аз 5-уми январи соли 2009 сар карда раванди ҳуҷҷатгузорӣ ва додани иҷозат барои кор ба шаҳрвандони хориҷӣ ва шахсони бе шаҳрванд, ки дар ҳудуди Ҷумҳурии Тоҷикистон фаъолияти меҳнатӣ мекунанд, оғоз мешавад.Аз маркази матбуоти Хадамоти муҳоҷирати Ҷумҳурии Тоҷикистон ба мухбири АМИТ «Ховар» хабар доданд, ки ба диққати ҳамаи субектҳои хоҷагидоре, ки ба ҷалби қувваи кории шаҳрвандони хориҷӣ дар ҳудуди Ҷумҳурии Тоҷикистон фаъолият мекунанд расонида мешавад, ки ба суроғаи Хадамоти муҳоҷирати Вазорати корҳои дохилӣ, кӯчаи Мирзо Турсунзода №5, ва ё бо телефонҳои: 227-55-69, 227-67-11, 233-84-84 муроҷиат кунанд.