БАРРАСИИ ПРОБЛЕМАҲОИ СОҲАИ СОҲИБКОРӢ

           Душанбе, 13 январ. (АМИТ «Ховар», Людмила Дубинина).- Дирӯз зимни мулоқоти  ғайрирасмии соҳибкорону  тоҷирон, намояндагони мақомоти давлатӣ ва созмонҳои байналхалқӣ   проблемаҳои муҳимтарини соҳаи тиҷорату  соҳибкории хурду миёна мавриди баррасӣ қарор гирифтанд, ки бар асари бӯҳрони ҷаҳонии молиявӣ ба миён омадаанд. Дар ҷараёни мулоқот роҳу усулҳое пешниҳод гардиданд, ки барои камтар сохтани зарари бӯҳрон ба иқтисодиёти мамлакат кӯмак мерасонанд. Ғайр аз ин  дар ҷараёни мулоқот барномаи бунёди минтақаҳои озоди иқтисодӣ муҳокима шуданд.        Мудири иҷроияи Иттиҳоди  миллии  соҳибкории хурду миёна Михаил Петрушков пешниҳод кард, ки чунин мулоқотҳо мунтазам гузаронида шаванд. Вай мисол овард, ки  барои кам кардани зарари бӯҳрони ҷаҳонии молиявӣ дар мамлакатҳои ИДМ тадбирҳои  самарабахш андешида мешаванд. Дар ҷараёни чунин мулоқотҳо нақшаю барномаҳое пешниҳод мешаванд, ки баъдан дар натиҷаи такмил дода шуданашон барои эҷоди қонунҳо ва  муқаррар намудани сиёсати самарабахши иқтисодӣ имконияти хуб фароҳам меоранд, гуфт М.Петрушков.