БУРДУ БОХТҲОИ ДОНИШКАДА

                Душанбе, 29 январ. (АМИТ «Ховар», Людмила Дубинина). — Ректори Донишкадаи иқтисодии Тоҷикистон Олимҷон Бобоев дирӯз дар ҷараёни нишасти матбуотӣ зикр намуд, ки омӯзгорону донишҷӯёни донишкада соли таҳсили 2007 — 2008 -ро бо натиҷаҳои назаррас ҷамъбаст намуданд. Рӯзҳои наздик дар ин ҷо дар мавзӯи «Таъсири бӯҳрони ҷаҳонии молиявӣ ба иқтисодиёти Тоҷикистон» конфронси илмӣ гузаронида мешавад.                Ба қавли ректори донишкада, имрӯз ҳам дар фаъолияти он проблемаҳое мавҷуданд, ки то ҳол ҳал нашудаанд. Яке аз онҳо аз ҳамдигар хеле дур воқеъ будани биноҳои таълимӣ мебошад. Масалан, бинои асосии донишкада дар кӯчаи «Дӯстии халқҳо» воқеъ гардидааст. Факултаҳои «Менеҷмент ва молия» ва «Иқтисодиёту молия» дар канори дигари шаҳр дар маҳаллаи «Гипрозем» воқеъ мебошанд.                 Ба қавли роҳбари донишкада ин проблема бояд ояндаи наздик мусбат ҳал карда шавад. Мо онро якҷоя бо роҳбарияти Пажӯҳишгоҳи «Тоҷикгипропроект» бо роҳи иваз кардани биноҳо ҳал мекунем, гуфт О.Бобоев.