ДАР ХАТЛОН ҶОЙҲОИ КОРӢ МЕАФЗОЯНД

Душанбе, 17 январ. (АМИТ «Ховар», Бекназари Абӯбакр). — Дар соли  2008 дар қаламрави вилояти Хатлон 31700 ҷойи нави корӣ бунёд ёфта, соли ҷорӣ, тибқи  нақша бояд беш аз 70 ҳазор ҷойи кори нав  муҳайё шавад. Маврид ба зикр аст, ки имрӯз аз 22 корхонаи саноатии шаҳри Кӯлоб 21 тоаш фаъолият мекунанд. Дар соли 2008 дар шаҳри Кӯлоб 2127 ҷойи нави  корӣ ва дар ноҳияи Данғара 670 ҷойи нави корӣ муҳайё гаштааст.            Сарвари давлат Эмомалӣ Раҳмон дар маҷлиси ҷамъбастии соли 2009 ба раисони  шаҳру ноҳияҳои  вилояти Хатлон баҳри ташкили ҷойҳои навӣ корӣ, вусъат додани корҳои ободонӣ, ғамхорӣ ба соҳаҳои  маорифу тандурустӣ, барқарор намудани корхонаҳои  мавҷудаи саноатӣ ва бунёди  корхонаҳои  нав, васеъ намудани майдони  боғутокзор, ривоҷ додани  сабзавоткорӣ, аз ҷумла сабзавоти барвақтӣ ва беҳтар намудани шароит  барои хоҷагиҳои  пахтакор супоришҳои қатъӣ дод.