ДАСТИ САХО ДАРОЗ ШУД

Хоруғ, 13 январ. (АМИТ «Ховар», Лутфишо Додо).- Дасти сахоро ба бенавоёну дармондагон дароз кардан ҳидояти Президенти кишвар Эмомалӣ Раҳмон аст. Бо ибтикори роҳбарияти вилояту шаҳри Хоруғ барои тарбиятгирандагони Маркази «Нур», ки дар ин ҷо тифлакони маъюб гирд оварда шуда, ба онҳо саводу касбу ҳунар омӯзонда мешавад, дар толори маҷлисгоҳи Мақомоти маҳаллии Ҳокимияти ВМКБ чорабиниии гуворо доир гардид. Дар ибтидо муовини раиси вилоят Муҳаббатшоҳ Рӯзадоров аз боби ифтихори мардуми сарбаланди тоҷик аз Истиқлолияти давлатӣ, рӯз аз рӯз беҳбудӣ ёфтани рӯзгори мардумсуханронӣ намуда, тарбиятгирадагонро шодбош гуфт. Шумо доимо дар зери таваҷҷӯҳи роҳбари давлат, ҳукумати Тоҷикистон ва Мақомоти маҳаллии Ҳокимияти давлатии вилоят қарор доред,- иброз дошт ӯ. Баъдан аз ҷониби дастпарварони мактаби мусиқии шаҳри Хоруғ барномаи ҷолиб манзури тарбиятгирандагони Маркази «Нур» гардид. Аз ҷониби идораву муассисоти гуногуни вилоят ба тарбиятгирандагони вилоят тӯҳфаҳо тақдим карда шуд. Сарвари маркази «Нур» Камол Шанбезода  ба ташкилкунандагони чорабинӣ аз номи тарбиятгирандагон арзи сипос кард.