ДАСТОВАРДИ КОРХОНАҲО ХУБ АСТ

          Душанбе, 9 январ.(АМИТ «Ховар» Лаззат Диловарзод).- Бино ба суханони раиси ноҳияи Фирдавсӣ Файзуллохон Исупов, ноҳияи Фирдавсӣ яке аз ноҳияҳои саноатии шаҳри Душанбе мебошад, ки дар он 62 корхонаҳои саноатӣ фаъолият мекунад. Дар давоми соли 2008 аз 62 корхонаи саноатӣ 58-тои он бо тамоми иқтидори истеҳсолӣ кор кард.  Соли 2008 ҳамчунин 5 корхонаи нав сохта ба истифода дода шуд. Мутаассифона 4 корхона бо сабаби азнавсозӣ ва баланд шудани ашёи хом фаъолият накард.          Нишондиҳандаҳои содиротӣ ва воридотии корхонаҳои саноатӣ дар соли 2008 хуб  ҷамъбаст гардид. Ҳаҷми содироти маҳсулоти корхонаҳои истеҳсолӣ наздик ба 7 млн. доллар расонида шуд, ки ин нисбат ба соли 2007 ба миқдори 1,5 млн. доллар зиёд аст. Маҳсулоти воридотӣ бошад, беш аз 5 млн. доллари амрикоиро ташкил дод. Ин аст ки дастовардҳои корхонаҳои саноатӣ дар соли 2008 қобили қабул дониста шуд.