ГУЛУ НИҲОЛҲОИ МОЗАНДАРОН ДУШАНБЕРО ОРОИШ МЕДИҲАНД
Душанбе, 31 январ. АМИТ «Ховар», Марзия Саидова).- Дар доираи маъракаи ниҳолшинонӣ дар Боғи фарҳангу фароғатии устод Рӯдакӣ беш аз 80 адад ниҳолҳои ороишию сояафкан, аз қабили арча, ардаҷ, шоҳбулут, оби мушкин ва нандино шинонида шуд. Инчунин, дар ин боғ дар масоҳати 4 ҳазору 105 метри мураббаъ гулҳои гуногуни мавсимӣ шинонида шудааст. Тавре ба хабарнигори АМИТ « Ховар» сардори муассисаи давлатии нигоҳдорӣ ва истифодабарии иншоотҳо дар назди сарраёсати ободонии пойтахт Шералӣ Раҳмонов гуфт, гулу ниҳолҳои ороишӣ аз устони Мозандарони Эрон дар асоси қарордод оварда шуда, онҳо ба иқлиму шароити ҷуғрофии Душанбе мутобиқ мебошанд. Инчунин, дар назар аст, ки дар оянда аз Голландия низ гулу ниҳолҳои гуногун оварда мешаванд, ки ба ҳусни пойтахт зебоӣ ва тароват ато хоҳанд кард. Бояд зикр кард, ки Боғи фарҳангу фароғатии устод Рӯдакӣ дар масоҳати 12, 7 гектар доман густурда, роҳбарияти пойтахт ҷиҳати боз ҳам сарсабзу хуррам ва ободонии он тадбирҳои мушаххас меандешад. Шералӣ Раҳмонов ҳамчунин гуфт, ки алҳол кормандони муассисаи мазкур ба нарм кардани қитъаҳои замин ва шинонидани гулу растанӣ ва буттаю ниҳолҳои оироишию сояафкан дар мӯҷтамеъи меъмории назди муҷассамаи шоҳ Исмоили Сомонӣ, воқеъ дар майдони «Дӯстӣ»-и пойтахт машғули кор мебошанд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
