ХОҶАГИҲОИ КОММУНАЛӢ ВА ЗИМИСТОНИ СОЛИ 2009

          Душанбе, 9 январ.(АМИТ «Ховар» Лаззат Диловарзод).- Бино ба маълумоти Кумитаи давлатии омор, дар ҷумҳурӣ оид ба зимистон омода сохтани иншооти хоҷагии коммуналӣ ва фонди манзил тадбирҳо андешида шуда бошад ҳам, аммо он дар сатҳи зарурӣ иҷро нагардид.           То моҳи декабри соли 2008 мебоист таъмири 147 дегхона дар шаҳру вилоятҳои ҷумҳурӣ анҷом меёфт, аммо дар асл танҳо 28 дегхона ё 19 фоизи ин иншоот аз таъмир бароварда шудааст. Дар вилояти Мухтори Кӯҳистони Бадахшон аз 3 дегхонаи мавҷудбуда ягонтои он таъмир наёфтааст.         Дар вилояти Суғд бошад аз 37 дегхона -13-то, дар вилояти Хатлон аз 70 дегхона ҳамагӣ 1-то ва дар ноҳияҳои тобеи ҷумҳурӣ аз 33 дегхона 10 –тои он аз таъмир бароварда шудааст. Боиси тазаккур аст, ки дар шаҳри Душанбе ҳамаи 4 дегхона аз таъмир бароварда шудааст, аммо на ҳама хонаҳои пойтахт бо оби гарм таъминанд.