ХОНАНДАИ СИНФИ 9 ДАСТ БА ДУЗДИИ ХОНАҲО ЗАД

Душанбе, 9 январ. (АМИТ «Ховар», Мавҷуда Давлатзода).- Истиқоматкунандаи кӯчаи Навбунёди шаҳри Панҷакент Норгул Шарифоваи 40-сола ба Шӯъбаи корҳои дохилии шаҳри Панҷакенти вилояти Суғд бо ариза дар бораи ғорат кардани хонааш муроҷат намуд. Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки шахсони номаълум ба тариқи озод вориди хонаи Норгул Шарифова шуда, аз он ҷо 12 руйпуши курпа, 12 руйпуши болишт ва як гушвораи тиллоро дуздиданд.Ҳангоми бурдани чораҳои фаврӣ-ҷустуҷӯӣ хонандаи синфи 9-уми мактаби таҳсилоти умумии №37-и шаҳри Панҷакент Шукрулло Зиёдуллоеви 15-сола, дастгир гардид. Айни ҳол нисбати ӯ тибқи моддаи 244, қисми 2-и Кодекси ҷиноии Ҷумҳурии Тоҷикистон парвандаи ҷиноӣ боз гардида, тафтиш идома дорад.