ИМДОД БА НИЁЗМАНДОН

      Хоруғ, 13 январ. (АМИТ «Ховар», Лутфишо Додо).- Дар мавзеи Бисмичи шаҳри Хоруғ оилаи Дурустовҳо зиндагӣ доранд, ки муҳтоҷи дастгирии инсонҳои сахию дасткушоданд, зеро аксарияташон маъюбанд. Ҳафтаи ҷорӣ намояндаи ташкилоти ҷамъиятии Мададгори мудофиа, ба ин оила маводи ғизоиро тақдим намуд, ки аз  орд, биринҷ, руған ва қанду макарон иборат буд. Чунин кӯмак аз ҷониби ин ташкилот ба ҳукми анъана даромадааст. Роҳбарияти он ғайр аз  маъюбон инчунин барои марзбонони деҳаи Сохчарв низ пайваста кӯмак мерасонанд. Оилаамон доимо зери қаноти пуштибонии чунин нафарони нексиришт зиндагонӣ карда, мисли дигар зодагони Бадахшон умеди бепоёне дорад, иброз дошт Маҳмадсалим Дурустов узви ин оилаи маъюбон.