ИМЗОИ МЕМОРАНДУМИ ҲАМКОРӢ

                  Душанбе, 22 январ. (АМИТ «Ховар», Темур Бандишоев). — Муншии умумии Ҷомеаи иқтисодии Евразия Тоҳир Мансуров ва директори генералии Муассисаи рушди саноати СММ Кандэ Юнкелла дирӯз, 21 январ дар Вена дар қароргоҳи марказии муассисаи СММ дар бораи ҳамкорӣ меморандум имзо карданд. Дар он пешбинӣ карда мешавад, ки ҳар ду созмон дар соҳаҳои энергетика, тағйирёбии иқлим, ҳифзи муҳити зист, аз ҷумла, истифодаи самарабахши захираҳои об, кишоварзию саноатӣ, рушди соҳаи тиҷорат ва мусоидат ба рушди соҳибкории хусусӣ ҳамкорӣ хоҳанд кард.                 Меморандум ба қатъномаи қабулнамудаи Маҷмаи кулли СММ «Дар бораи ҳамкории СММ ва Ҷомеаи иқтисодии Евразия» пурра мувофиқат мекунад.