ИНТИХОБОТИ ПРЕЗИДЕНТ ДАР МӮҲЛАТИ МУҚАРРАРШУДА БАРГУЗОР НАМЕГАРДАД

                     Кобул, 24 январ. (АМИТ «Ховар» — «Газета. Ру.). — Комиссияи мустақили интихоботии Афғонистон дирӯз хабар дод, ки интихоботи президенти мамлакат дар вақти муқарраршуда, яъне фасли баҳори соли равон гузаронида намешавад. Комиссия изҳор намуд, ки ҳавои сарди зимистони имсола рафту омади нақлиётро душвор гардонд, барои гузаронидани интихобот маблағ ҷудо карда нашуд, вазъи амниятӣ торафт бадтар мегардад, дар натиҷа гузаронидани интихоботи президент дар мӯҳлати муқарраршуда ғайриимкон мебошад. Комиссия сустии назорати вазъияти минтақаҳои ҷанубу шарқии мамлакатро аз ҷониби ҳукумат ва мақомоти низомию интизомӣ таъкид намуд.                     Қайд карда шуд, ки аҳолии маҳаллӣ дар интихобот иштирок кардан мехоҳад, аммо дар натиҷаи амалиёти силоҳбадастони ҷунбиши «Толибон» ба қайд гирифтани онҳо имконнопазир аст.