ИНТИХОБОТИ ПРЕЗИДЕНТИ АФҒОНИСТОН МОҲИ АВГУСТ БАРГУЗОР МЕГАРДАД
Кобул, 31 январ. (АМИТ «Ховар» — Бохтар).- Комиссияи мустақили мутасаддии гузаронидани интихоботи президенти Афғонистон хабар дод, ки интихоботи президенти ин мамлакат 20 августи соли 2009 баргузор мегардад.Ёдовар мешавем, ки мӯҳлати ваколати президенти ҳозираи Афғонистон Ҳамид Карзай 21 май ба охир мерасад. Мувофиқи қонун, интихоботи президент бояд моҳи апрел гузаронида шавад. Вале баробари оғози бақайдгирии интихобкунандагон дар масъалаи таъмини амнияти онҳо душвориҳои зиёд ба миён омаданд. Тавре ки маълум аст, айни ҳол вазъияти баъзе вилоятҳои мамлакат, аз ҷумла, Кандаҳор ва Ҳилманд ниҳоят муташанниҷ ва ноором мебошад. Зеро ин вилоятҳо ва минтақаҳои дигари мамлакат то ҳол таҳти назорати «Толибон» қарор доранд.Бинобарин масъалаи ба вақти дигар гузаронидани интихобот ба миён гузошта шуд. Вале аксарияти вакилони парлумони Афғонистон ба ин пешниҳод муқобил баромада, Комиссияи мустақили интихоботро ба ноқобилӣ гунахкор намуданд. Комиссияи интихобот то имрӯз қариб 4 миллион интихобкунандаро ба қайд гирифтааст. Ҳол он ки ба ақидаи коршиносони СММ, шумораи аҳолии Афғонистон 25 — 27 миллион нафар мебошад. Шумораи аниқи аҳолии мамлакат умуман маълум нест. Баҳисобгирии саршумори аҳолӣ, ки тобистони соли 2008 ба нақша гирифта шуда буд, баргузор нагашт. Илова бар ин мамлакатҳои мададгори Афғонистон то ҳол барои гузаронидани маъракаи интихобот маблағ ҷудо накардаанд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
