ИТТИФОҚИ ЖУРНАЛИСТОНИ ТОҶИКИСТОН 50 – СОЛА МЕШАВАД

        Душанбе,  5  январ. (АМИТ «Ховар»,  Таҳмина  Ғоибназарова). – Моҳи ноябри соли равон 50 – солагии таъсиси Иттифоқи  журналистони Тоҷикистон   таҷлил карда  мешавад. Тайёрӣ  ба  ин  санаи  муҳим  давом  дорад.         Ба  муносибати  ҷашн  тадбирҳои  гуногун   ба  нақша  гирифта шудаанд. Аз  ҷумла,  барои ба  даст  овардани  ҷоизаи  Иттифоқи  журналистон озмунҳо  гузаронида,  осорхонаи  Иттифоқи  журналистон  кушода  ва  дар  бораи таърихи  соҳаи  журналистикаи  тоҷик  китоби  алоҳида  чоп  карда  мешавад. Ноширон аз  журналистон  хоҳиш  кардаанд, ки  дар  нашри  китоб  кӯмак  расонда,  тарҷумаи  ҳоли  ҳамаи  раисони  Иттифоқи  журналистон ва  мақолаҳоро  дар  бораи  журналистони  машҳур  пешкаш  намоянд. Моҳи  ноябр Осорхонаи  журналистика  кушода  мешавад. Айни  ҳол   барои  осорхонаи  мазкур  экспонатҳо,  аз  ҷумла,  мошинкаҳои  кӯҳнаи  чоп,  дастгоҳҳои  сабти овоз,  шумораи  рӯзномаю  маҷаллаҳои  солҳои  гузашта,  камераҳои   кӯҳнаи  наворбардорӣ  ва  ғайра  ҷамъ  оварда  мешаванд.