КӮМАКИ ИЛОВАГИИ БОНКИ РУШДИ ОЛМОН

               Душанбе, 23 январ. (АМИТ «Ховар», Бекназари Абӯбакр). — Директори Фонди миллии иҷтимоии сармоягузории Тоҷикистон Саидаҳмад Мирзоев дар ҷараёни нишасти матбуотӣ хабар дод, ки фонди мазкур иҷрои барномаҳоро барои коҳиш додани сатҳи камбизоатӣ дар мамлакат давом медиҳад. Дар ин бобат Бонки рушди Олмон ба фонд кӯмаки зарурӣ мерасонад. Соли 2008 Бонки рушди Олмон барои иҷрои барнома қариб 5,5 миллион евро ва Ҳукумати Тоҷикистон зиёда аз 1 миллион евро ҷудо карданд. Аз ҳисоби ҷамоатҳои маҳаллӣ барои иҷрои барнома 300 ҳазор евро ҷудо карда шуд.               С.Мирзоев хабар дод, ки Бонки рушди Олмон охири соли 2008 барои иҷрои барнома ба таври илова 5,5 миллион евро ҷудо кардааст. Ин маблағ барои амалӣ сохтани барномаи дуюми коҳиш додани сатҳи камбизоатӣ дар Тоҷикистон сарф карда мешавад. Фонди миллии иҷтимоии сармоягузории Тоҷикистон ва Бонки рушди Олмон дар ин бора қарордоди дахлдор имзо карданд, гуфт С.Мирзоев.                                                                                                                                                  Тарҷумон — Қудратов А.