КӮМАКИ МУАССИСАИ БАЙНАЛХАЛҚИИ КИШОВАРЗӢ БА ОИЛАҲОИ КАМБИЗОАТИ ВИЛОЯТИ

                Душанбе, 30 январ. (АМИТ «Ховар», Фарангис Раҳимова). — Муассисаи байналхалқии рушди соҳаи кишоварзӣ барои расондани кӯмак ба деҳқонону фермерҳои 250 деҳа дар вилояти Хатлон 12 миллион доллари ИМА ҷудо кард. Дар ин бора ба АМИТ «Ховар» аз дафтари матбуоти Созмони Милали Муттаҳид хабар доданд. Дар хабар гуфта мешавад, ки ҳаҷми истеҳсоли маҳсулоти кишоварзӣ дар вилояти Хатлон вобаста ба ғайри қобили кишт гардидани замин, набудани имконияти гирифтани қарзҳо, аз кор баромадани шабакаҳои обрасонӣ, инчунин мавриди истифода қарор нагирифтани технологияҳои навтарин ва душвориҳои фурӯши маҳсулот ниҳоят ночиз мебошад.                Тибқи нақша, маблағи кӯмаки муассисаи мазкур ба 20 ҳазор оила дода хоҳад шуд, ки ба деҳқонӣ машғуланд.                Муассисаи байналхалқии рушди кишоварзӣ муассисаи СММ буда, 30 сол пеш таъсис ёфта буд. Муассиса дар ин муддат бештар аз 700 барномаро иҷро намуда, дар 90 мамлакати ҷаҳон ба оилаҳои қашшоқу бенаво ба маблағи бештар аз 10 миллиард доллари ИМА кӯмак расондааст. Тарҷумон — Қудратов А.