КОНФРОНСИ ИЛМӢ БАХШИДА БА ИМОМИ АЪЗАМ

         Душанбе, 5 январ. (АМИТ «Ховар», Людмила Дубинина).- Дар шаҳри Душанбе маҷлиси навбатии Шӯрои ҷамъиятии ҷумҳурӣ баргузор гардид. Аъзои шӯро натиҷаҳои соли 2008- ро  ҷамъбаст намуда, нақшаи кори худро барои соли 2009 тасдиқ намуданд. Дар он ба  масъалаҳои иқтисодӣ ва пеш аз ҳама  бартараф сохтани оқибатҳои бӯҳрони ҷаҳонии молиявӣ дар мамлакат ва таъмини истиқлолияти энергетикии он диққати ҷиддӣ дода шуд.       Аъзои шӯро  моҳи январ тағъироту мулоҳизаҳои ба лоиҳаи қонун  «Дар бораи  санадҳои қарз» пешниҳодшударо мавриди баррасӣ қарор медиҳанд. Лоиҳаи қонуни мазкур ба муҳокимаи Маҷлиси намояндагон  пешниҳод карда мешавад. Гурӯҳи кории шӯро айни ҳол  тағйироти пешниҳодшударо ба Низомномаи  Шӯрои ҷамъиятии мамлакат муҳокима менамояд. Низомномаи нави он дар маҷлиси ояндаи Шӯро муҳокима ва тасдиқ карда мешавад.        Тибқи нақша, бо ташаббуси Шӯрои ҷамъиятӣ охири моҳи январ бахшида ба 1310  — солагии  рӯзи таваллуди  Имоми Аъзам конфронси илмӣ гузаронида хоҳад шуд.