МАҶЛИСИ НАМОЯНДАГОНИ ДОИМИИ МАМЛАКАТҲОИ ИДМ ДАР МИНСК

                   Душанбе, 24 январ. (АМИТ «Ховар», Наргис Бояхмедова). — Маҷлиси навбатии Шӯрои намояндагони доимии ваколатдори давлатҳои ИДМ 26 январ дар шаҳри Минск баргузор мегардад. Иштирокчиёни маҷлис натиҷаҳои машварати гузаштаро дар мавзӯи фаъолияти гурӯҳи намояндагони ИДМ дар интихоботи мамлакатҳои Иттиҳод дар давоми соли 2008, таҷриба ва роҳҳои беҳтар сохтани фаъолияти онҳо, нақшаи соли равон, рӯзномаи маҷлисҳои ояндаи Шӯрои вазирони корҳои хориҷӣ ва Шӯрои сарони ҳукуматҳои давлатҳои Иттиҳодро баррасӣ менамоянд.                    Инчунин дар маҷлис нақшаи тадбирҳои амалӣ сохтани даври аввали барномаи стратегии рушди иқтисодии ИДМ то соли 2020 ва лоиҳаи Қарори Шӯрои вазирони корҳои хориҷии ИДМ дар бораи таъсиси гурӯҳи муваққатии кории бартараф сохтани муноқиша дар Обхозистон муҳокима карда мешавад.